Letste kans!

STOP DE PERSE! De joeksige stumsite van Umroop Venlo veur de vastelaovesTop 555 geit later vandaag sloete. Stum nog ef! Op Bram en Ruud meug zeker! Gaer zelfs. Heej:

http://www.omroepvenlo.nl/nieuws/13720/?utm_source=twitterfeed&utm_medium=twitter

Euveriges kinse d'r auk as publiek beej zien as de tv programma's waere opgenaome!

http://www.omroepvenlo.nl/nieuws/13712/Publiek_gezocht_voor_opnames_VastelaovesTop_555.html 

Vuul Sukses!

't Is os helaas neet gelök um in de LVK-finale te komme dit jaor. Jaomer, waas sjiek gewaes. Volgende kiër baeter... D'r zitte waal aardig waat kwante leedjes beej de letste 19. Zal ein lastig pakket waere um dao de beste oét te haole. Weej hebbe in idder geval 'nne favoriet. Maar dae make weej pas bekind as dae in de finale haet gewonne. Wie dan auk, vuul sukses 3 fibberwari, weej doéme veur og!

Bram&Ruud

Sjapoo

't P&M-festival is nao 't LVK misschiens wal 't meis bekinde regionale festival veur vastelaovesleedjes. Aafgelaupe weekend meugde Sjapoo oet Kessel-Eik 't festival winne met eur leedje 'Waeralarm'. Beniejd of eure schlager auk de letste 19 van 't LVK geit haole. Van heejoet van harte proficiat met 't rissultaat op 't P&M-festival! Liekent os ein niejsberichje waerd op ogge eige website! ;-)

Bruere Lei....

Vanmorge tries berich. Bruere Lei is euverleeje, hae waas 86 jaor. Zoel euver dreej daag 87 waere. Eine gezaegende laeftied netuurlik. Maar Venlo, en Limburg, verluus netuurlik enne ontiechelik kleurrieke man. Eemus dae veural aandach had veur minse die 't neet zelf veur mekaar krege. Zien stichting Doortoch, de Jongerenkerk, de Martinuskerk, en tal van andere initiatieve um minse te hellepe. Geistelik vader auk van VVV maar toch veural enne markante, gooije mins! 

Dreej jaor geleeje meugde week ein ode bringe aan Bruere. Heejonder de reportage van L1 euver de keplaon. Venlo zal 'm gaon misse, Bruere Lei....

http://www.l1.nl/audio/luister-naar-reportage-van-ed-leunissen#.TxAE0KVhu8A 

Dit is sjiek man!

Jajajajaja. 't kin waer: Stumme op de beste vasteloavesleedjes van de gemeinte Venlo. Dit jaor genne top 100 maar de vastelaovestop viefhonderdviefenvieftig. De ganse waek veur vastelaovend (vanaaf 13 fibberwari) op Umroop Venlo en 's aoves iddere daag ein tillevisie-versie. Stum auk op ein of mier van de Bram en Ruud-leedjes! Weej Blieve Thoes, De Kriebels, Optochleed, Meneer de Pliessie, Hallekiedallekiedeej, Olms etc etc. Danke!  http://www.goldejaore.nl/vt100/ 

> Niejsarchief