Veurs en taeges van 't LVK

't is netuurlik neet de vraog of d'r waer discussie kump euver 't gooije en slechte van 't LVK maar wenier det percies gebeurt. Jos Boute, dae jaore langk in de zjurie in Noord Limburg zoot een noow tot de journaliste-zjurie behuurt goeijde de spraekwoordelijke knuppel in 't hoenderhok door te stelle det de lokale eigenheid van de leedjes d'r vanaaf is en det 't LVK det schöld is. Direk daonao woort Jos neergezatte as economieriddakteur zonder verstand van meziek. Noow wille weej neet zegge det economieriddakteure per definitie verstand van meziek hebbe maar Jos haet vuul ervaring in de zjurie en luuet altied blieke ein gooije onderbouwde meining euver meziek en leedjes te hebbe. We motte 'm in dit geval dus erg serieus neme.

Waat vaerder opvelt is det hae in zien stök schrief euver 't feit det leedjes allein maar vlakke algemeine illemente bevatte. Dao zien weej 't veur ein deil mei ins maar um te zegge det det iets van noow is klop netuurlik neet. 'Had ik Maar, Josefien, Minse wie weej. Allemaol van 't zelfde lake as pakweg Heej blief ik plekke. Universeel, net zoe Venloos as Limburgs maar dan wal in ein eige specifieke dialek. Dao zit 'm 't onderscheidende gedeilte. 

Wao weej 't veur ein groeët deil wal mei ins zien is det d'r soms puur en allein veur 't LVK geschreve wuurt. En eigelik is det jaomer want de stichting LVK zag altied te waardere det minse juus dich beej eur eige vastelaovescultuur bleve. Discussie euver 't verplich met succes meidoon aan leedjeswedstriede alveures nao 't LVK te kinne zien dan auk zinvol. Dan stimuleerse det auk een bietje. 

Vaerder is veural 't bonnesysteem d'r netuurlik debet aan det lokale leedjes neet in de finale komme. Algemeine LVK-leedjes trekke beej 't groëte publiek op veurhand mier stumme. Toch zitte d'r auk dök pareltjes tösse de lokale leedjes die van de vakzjurie auk nog ens  vuul punte kriege. Toch kinne zeej noeits op taege de giga struim aan bonne en smsse oet hechte kerne en van de giga-fenklups. As stichting LVK kinse nog truuk maar dan mosse wal vuul serieuzer laote blieke det inhaldelijke kwaliteit dich waat waerd is. Allein vrolijkheid en remmiedemmie is netuurlik neet genog. Zeker asse zon status hebs as 't LVK. Dan kinse dich dich permittere um de kwaliteit baove de kwantiteit te stelle. Doon dus!

Alde Wiever, Abby, Kuus en speldjes

We gaon ein paar daag nuuedig hebbe um beej te komme van 't veurbeeje weekend. Maar maar maar waat waas 't sjiek. Twieje daag Beringe waare waer erg joeksig. Vaerder ware we netuurlik live getuuge van 't oetroope van prins Abby, gekscherend al 'de letste', geneump. Supersjiek. Gistere koste weej veur 't iers ervare waat d'r loos is as in Arcen de alde wiever op paad gaon. Weej zulle d'r as manne maar neet euver berichte, dao is 't neet um begos netuurlik. De Gats in Arcen is ein sjiek kefee! Daonao nog Ontmoetinge met alde bekinde in Hout Blierick en in Zjwame, altied good! Weej wille auk de Torvers, Beerbok en Cafe Friends in Panninge danke veur de lol en 't plezeer. Weej zeen os! Speciaal dank aan Huub van de Hopsjlokkers dae ozze speldjesverzameling weer op orde haet gebrach!

Letste kans!

STOP DE PERSE! De joeksige stumsite van Umroop Venlo veur de vastelaovesTop 555 geit later vandaag sloete. Stum nog ef! Op Bram en Ruud meug zeker! Gaer zelfs. Heej:

http://www.omroepvenlo.nl/nieuws/13720/?utm_source=twitterfeed&utm_medium=twitter

Euveriges kinse d'r auk as publiek beej zien as de tv programma's waere opgenaome!

http://www.omroepvenlo.nl/nieuws/13712/Publiek_gezocht_voor_opnames_VastelaovesTop_555.html 

Vuul Sukses!

't Is os helaas neet gelök um in de LVK-finale te komme dit jaor. Jaomer, waas sjiek gewaes. Volgende kiër baeter... D'r zitte waal aardig waat kwante leedjes beej de letste 19. Zal ein lastig pakket waere um dao de beste oét te haole. Weej hebbe in idder geval 'nne favoriet. Maar dae make weej pas bekind as dae in de finale haet gewonne. Wie dan auk, vuul sukses 3 fibberwari, weej doéme veur og!

Bram&Ruud

Sjapoo

't P&M-festival is nao 't LVK misschiens wal 't meis bekinde regionale festival veur vastelaovesleedjes. Aafgelaupe weekend meugde Sjapoo oet Kessel-Eik 't festival winne met eur leedje 'Waeralarm'. Beniejd of eure schlager auk de letste 19 van 't LVK geit haole. Van heejoet van harte proficiat met 't rissultaat op 't P&M-festival! Liekent os ein niejsberichje waerd op ogge eige website! ;-)

> Niejsarchief